معلومات عن تربية الكلاب

كل ما هو جديد في تربية الكلاب

أخبار الموقع

المتابعون

اخبار

رياضة

الأحد، 7 مارس 2021

ولادة الكلبة


الموضوع اليوم عن ولادة الكلبة

اولا.. احذر⚠️

ولادة الكلبة

 

 لا يفضل أستعمال حقن الطلق لتسريع عمليه الولاده قد يؤدى لموت الكلبه إذا كانت ضعيفه

كلبتك في حاجة إلى وجودك بجانبها شجعها بقول..  برافو جود جيرو( أسم الدلع الخاص بيها) 

كن أنت وحدك معها ومادخلش  أى حد عليها مهما كان لأنها ممكن من الخوف على أطفالها .. تأكلهم و

👈 أحظر من الاصوات المزعجه العاليه مثلا صوت المكنسه إذا كانت بتخاف منه أو صوت الخلاط و خد بالك أنها متعبه متألمه و ممكن تخاف و تفزع من أقل الاشياء يعنى… .


👈بلاش حضرتك تصورها و هى بتولد لأنها ممكن تخاف من ضوء الفلاش

كن معها كلمها بصوت حنون و هادى طبطب عليها براحه


_♦️تبدأ الولاده♦️

بإخراج الماء ، يبدأ الوضع جروا بعد آخر كل ربع ساعة تقريبا ،

و قد تصل لنصف ساعه من الكلبه البكر

أمتى أطلب الدكتور يجب سرعة الاتصال بالدكتور عند الضرورة او ظهور علامات تدل علي ارهاق كلبتك اثناء الولادة وعمل الاحتياطات الازمة للكلب 


🥺إذا تعسر عليها أخراج الكلاب بسهوله أتصل بالدكتور

⚠️إذا طالت المدة بين الجرو و الآخر أكثر من ساعة ، فاستدع

البيطري فورا.


⚠️أو لم تسطيع الكلبه أخراج الكلب لوحدها بسبب نزوله فى وضع غلط


⚠️أو قد يكون حوض الكلبه صغير جدا بسبب عيب خلقى

اتصل بالدكتور


⚠️أذا أرتفعة درجه حراره جدا

................................................................................................................

تسطيع سحب الكلاب بالراحه بعد ظهور نصف الكلاب لتساعد الام… .و لكن تذكر دايما إن كلبتك قد تصاب بالزعر الشديد

بسبب ألالم الولاده….

  

تأكد بإن الكلبه مش خايفه منك يمكن سحب الكلاب..  إذا سمحت لك الكلبه


و إذا حسيت أنها خايفه مش عايزاك تقرب منها أو من الكلاب أكتفى بالكلام معها بصوت هادى مطمئن☺️


*بعد نزول الكلاب داخل كيس تقوم الكلبه بأخراج الكلاب من الكيس و تقضم حبل السرة بأسنانها و تبدأ بلعقه لتنشفه و نتنظيفه

ثم تقربه من حضنها لتمحه الدفء . .....


😞إذا حصل و نزل حد من الكلاب ميت لا تتدع الكلبه تأكله

حاول أن تسحبه براحه منها من غير ما تحس


👌خلى معك فوطه ناعمه جدا و نضيفه نشف بيها الكلاب بعد النزول


*نظف فم الكلاب من السوائل و أنفها أيضا

و لكن إذا لقيت  الكلبه خايفه و قلاقانه جدا من مسكك للكلاب

بلاش تقرب منهم لأنها ممكن تأكلهم من الخوف تعامل معهم إذا أذنت لك هى بدا

*تسطيع تقديم قليل من اللبن الدافى لها أثناء الولاده أو قليل من الماء المحلى بقليل من عسل  النحل

أو قليل من الجلوكوز لتعويض مجهود الولاده


👈قد تستمر الولاده أربع ساعات تسطيع تدليك بطن الكلبه براحه خالص خالص


*بعد أنتهاء اللولاده سيل  الكلبه ترتاح قليل و استبدل القماش اللى فى الصندوق بقماش أخر نظيف خالى من الدماء بهدوء شديد


*يفضل أن يكون جزء من بطانيه قديمه عندك إذا كانت الولاده فى الشتاء


👈ولا تحاول أخراج الكلاب الصغيره من الصندوق أبدا

علشان الام مش تخاف لم الكلاب براحه فى الصندوق و استبدال القماش بهدوء


👈يجب عليك مراقبه كلبتك جيدا بعد الولاده و تأكد من انها لا تعانى

من حمى ما بعد الولاده تأكد أن حراتها فى المعدل الطبيبعى

إذا أرتفعت حراتة الكلبه يجب عليك أحضار الدكتور ع الفور

نظف صدر الكلبه بقطنه مبلله بالماء الدافى قبل أرضاع الكلاب..

الأربعاء، 24 فبراير 2021

الشوفان للكلاب

 وصفات الشوفان للكلاب

الشوفان للكلاب


2-الوصفه الاولي

المكونات

4 صدور دجاج

نص كوب فاصوليا خضراء مبشوره

نص كوباية قرنبيط مبشور

نص كوب جزر مبشور

نص كوب شوفان

4 اكواب شوربه مملحه فقط


الطريقه

نقطع  الدجاج مكعبات

ونشوحها ف حبه من زيت الزتون.. حتي يتغير اللون الي اللون الوردي


نزود الفراخ ب4 كوبيات ميه.. ونملحها. ونجعلها تغلي وتتحول لشوربه

نضف الخضار.. حتي يدبل.. ويقارب ع السواء… ثم نضيف الشوفان.. الي ان يتم السواء

وتقدم دافيه للكلب.. 


2- الوصفه التانيه


المكونات


1بطاطا حلوه

1 موزه متوسطه

1جزره مفرومه

1/2 كوباية تفاح مبشور

2 كوب من دقيق القمح  الكامل

1كوب شوفان

1/3كوباية ميه


الطريقه

نسلق البطاطا.. ونهرسها.. مع الموزه.. ف طبق.. ثم نضيف باقي المكونات.. ونعجن بالميه

.نسخن الفرن

وندهن صينيه دهنه بسيطه من زيت الزتون.. ونضع الخليط ف الصينيه بسمك 2 سم.. ونقطعها مكعبات او. مثلثات

وتخبز لمدة 25 ق

ثم تترك لتبرد

..يمكن حفظها ف التلاجه لمده 15 يوم


ويعتبر الشوفان من الاكل الصحي والمفيد للكلاب ومع المعروف كمان اننا نركز علي اهمية الغذاء للكلاب والاخذ في الاعتبار ان اهم شي التركيز علي الاكل الصحي المتوزان ولازم الاكل بشكل عام يكون مسلوق والبعد التام عن الاكل الني والاكل الا فيه زيوت وسمنة والبعد التام عن السكريات لانها تؤدي بالاذي الي اليفك وممكن لا قدر الله تسبب بالعمي التام للكلاب علي البعد وهناك انواع من الاكلات المهمة مثل الخضر المسلوق وجبه واحدة فقط من البيض المسلوق وعدم الافراط فيه لعدم تسبب حساسيه للكلب .👌👌👌

الجمعة، 19 فبراير 2021

التغذية التي تحتاجها الكلاب

 التغذية  التي تحتاجها الكلاب 


إلى نظامٍ غذائي متوازن يتضمن جميع العناصر الغذائية 

التغذية  التي تحتاجها الكلاب


حتى تبقى بصحةٍ جيدة:[١] البروتينات: تحتاج الكلاب إلى البروتينات لبناء أنسجة جسمها وبناء جسم قوي ،

 ويوجد ثلاثة وعشرون نوعاً من الأحماض الأمينية التي تكون البروتينات وتعمل علي تقوية الكلاب بشكل عام وتظهر هذة البنية في 

تقوية الجسم والعضلات  وتستطيع أجسامها إنتاج ثلاثة عشر نوعاً منها، أمّا العشرة المتبقية فيجب أن تحصل عليها من الغذاء. 

الكربوهيدرات: تساعد الكربوهيدرات في الحفاظ على صحة أمعاء الكلاب، ويمكن الحصول عليها من الخضار والحبوب. الدهون: 

توفر الدهون الطاقة للكلاب، وتحافظ على المظهر الصحي للجلد والشعر، ومن هذه الدهون أوميغا 3، وأميغا 6. الفيتامينات والمعادن: 

وهي مهمة في إتمام العديد من التفاعلات الكيميائية في جسم الكلب، مثل بناء العظام والحفاظ عليها قوية، ومن الفينامينات المهمة: 

فيتامين أ، وفيتامين د، وفيتامين هـ، وفيتامين ك، وفيتامين ب المركب، بالإضافة إلى معدني الكالسيوم والفسفور. الماء: يجب التأكد 

من وجود ماءٍ نظيفٍ للكلاب، فهي معرضة للموت في حال فقدت عُشر كمية المياه المكونة لجسمها. ملاحظة: يفضل بعض الخبراء أن 

يتناول الكلاب الطعام الجاف؛ لأنّه يحافظ على صحة أسنانها ولثتها. العناية الصحية وذلك من خلال:[٢] اختيار طبيب بيطري جيد 

وموثوق: فالكلاب بحاجةٍ إلى مراجعةٍ دوريةٍ عند الطبيب لعمل بعض الفحوصات. التطعيم: هناك العديد من التطعيمات المهمة، مثل 

تطعيم داء الكلب، والتطعيمات ضد الأمراض المختلفة حسب المنطقة. التدريب على بعض الأوامر إنّ تدريب الكلاب على تنفيذ بعض 

الأوامر يُسهّل من التعامل معها، ومن هذه الأوامر:[٣] الجلوس: فالجلوس تصرف طبيعي للكلاب يوحي بأنّها غير عدوانية، كما أنه 


تصرف جيد عندما يكون صاحبها مشغولاً في أمرٍ ما، ويمكن تعليم الكلاب الجلوس عن طريق لفظ الكلمة والإشارة براحة اليد بأن 


تجلس، والإشادة بها وذكر جملٍ إيجابيةٍ عندما تُنفذ الأمر، وتكرار ذلك مع الأخذ بالاعتبار بأنّ الكلاب البالغة ستحتاج وقتاً أطول 


للتعلم. البقاء في المكان نفسه: ويمكن البدء بتعليم هذا الأمر من وضعية الجلوس، مع قول "ابقى هنا" مع ذكر اسم الكلب، والوقوف 


بجانبه حتّى ترتبط الكلمة لدى الكلب في المكان، ثمّ وضع اليد أمام وجهه بحيث تكون الأصابع للأعلى وراحة اليد مواجهة للوجه، 


وتكرار "ابقى هنا"، فإن بقي الكلب، يجب الثناء عليه، أمّا إن تحرك من مكانه، فيجب قول شيءٍ يدل على الاستياء، وأنه لم ينفذ ما 


طُلِب منه. الحضور عند النداء: وذلك من خلال جعل الكلب يجلس ثمّ الإمساك به وسحبه مع قول كلمة " تعال"، وتكرار ذلك مراراً، 


ويمكن استخدام عاملٍ مشجّع مثل قطعةٍ من الطعام المجفف الخاص به ومن هنا تاتي خصائص حجم الكلاب والاكل والنظام الغذائي مهم جدا جدا في تربية الجراوي حتي سن البلوغ وحتي الي الاعمار الكبيرة ويلعب دور اوميجا 3 دور هام جدا في بناء اجسام الكلاب ولذلك يرجي من مربي الكلاب الحرص الشديد علي النظام الغذائي المتوازن 👌👌👌👌👌



الخميس، 18 فبراير 2021

تغذية.. الجراوي

 : تغذية.. الجراوي.. والكلاب.. ما لها و ما عليها

🐕🐕🐕

تغذية الجراوي

 الجراوى : 🐕

طبعا الجراوى بعد الولادة بتبقى معتمدة بشكل اساسى على الرضاعة الطبيعية من الام و فى بعض الحالات الاستثنائية (

بيتم الرضاعة الصناعى) .


بمجرد ما الجراوى تتم 18 يوم


 ناكل جبن قريش مع الرضاعة الطبيعي


بعد كده عند عمر 23 يوم  ندخل وجبة جبن مثلثات + وجبة جبن قريش + الرضاعة الطبيعية


الجرو عمر شهر30 يوم..

 بناكل 4 وجبات ( فتة لبن بالفينو و البيض  + وجبة جبنة مثلثات + وجبة جبنة قريش + الرضاعة الطبيعية )


عمر 45 يوم .. بنسحب الرضاعه الطبيعيه...

.. ولحد 6 شهور.. مستمرين ف ال4 وجبات


( فتة لبن + وجبة فول بالبيض المسلوق بالعيش مضروبين فى الخلاط + وجبة جبنة مثلثات + دراى فود + وجبة رز او مكرونة و خضار مسلوق( بطاطس و كوسة و جزر وبتنجان وفاصوليا. وبسله...... الخ) و فراخ او لحمة مسلوقين


( ممنوع العضم تماما و الهياكل و الروس و الرجول ) .


* ممكن نطحن قشر البيض  ونضيفه مع الاكل خصوصا فتة اللبن لانه مليان كالسيوم و الكلب  بيهضمه و بيستفيد من الكالسيوم الرهيب إللى فى القشر


 لحد عمر 6 شهور ببدا اقلل الوجبات ل 2 او 3 وجبات


*ممكن ندخل واحدة زبادى فى الاسبوع لان الزبادى فيه بكتيريا نافعة هتبقى مفيدة لمعدة الكلب بتزيد بعد كده ل 2 زبادى اسبوعيا لحد ما يوصل ل 6 او 7 شهور .


ال 3 وجبات بتبقى ( فريش فود / دراى فود/.👈. اختياري.. ولو اني باشوفها مهمه جدا للكلب.. لانها بتكمل الناقص ف الاكل الفريش


 الكلب🐕🐕


8 او 9 شهور بخليهم وجبتين بس واحدة الصبح بدرى ( فريش فود ) و التانية بالليل ( دراى فود ) او العكس .


و بفضل على النظام ده لحد ما يوصل سنة و بعد كده بخليها وجبة واحدة فى اليوم بس بتبقى متينة جدا ( اى اكل بقى فريش او دراى او بواقى اكل البيت ) .


 كده بنأسس الكلب من وهو.. جرو و بنعوده👌 انه ياكل اى حاجة... مافيش اكل يرفضه فلما يكبر ميبقاش عبأ مادى عليك .


المدارس فى التغذية كتير.... جدا و اكيد حضراتكم  عارفين دا كويس✋👍


 لازم كل واحد فينا يقرا عن السلالة اللى بيربيها و يعرف الوزن المثالى لكلبه فى كل فئة عمرية و يتابع وزنه و صحته


لانه بجد كائن و لا احلى و لا اجمل و يستاهل انه يتراعى رعاية تامة زيه زى اولادنا بالظبط 👌👌👌👌

الأحد، 14 فبراير 2021

معلومات مهمة في تربية الكلاب

 معلومات مهمة في تربية الكلاب :

==================

معلومات مهمة في تربية الكلاب

الكلاب , زيها زي الانسان , بتحتاج للتدريب علشان يكون باستطاعتها  تكتسب جسم  قوي وملئ بالعضلات .  


من الطرق التي تمكننا من جعل الكلب  يمتلك جسم عضلي ..يوجد عدة طرق و اللي ممكن تساعدنا ف دا 


1 - لعبة شد الحبل : لعبة بسيطة ومفهاش اي تعقيد ,  التمرين دا ..ممكن  يبني عضلات الرجلين بشكل كبير وملحوظ 


. لما تعمل التمرين  ..اوعي تقوم بفلت الحبل او القماش اللي بيمسك به الكلب فجاة… او انك تقوم بشدها بقوة , تجنبأ اي اصابة لضهر الكلب او اسنانة .


2 - رمي الاغراض وتخلي الكلب يجيبها ..او يجري وراها  , ان كان كلبك بيحب  الالعاب دي , دا هايخلي الكلب يكتسب بنية عضلية… .قويه


 

3 - تحفيز الكلب على القفز المستمر , فالقفز يجعله يقوي ارجله الاربعة واكتافة , ومع مرور الوقت سيظهر ان جسم الكلب تحول الى جسم قوي وعضلي . وممكن تحفيز الكلب على القفز عن طريق تعليق لعبة او كرة بمسافة عالية وتخلي الكلب يقفز باستمرار حتى يتمكن من المسك بها , ومن المهم انك تديله  الفرصة لمسكها او الوصول ليها  علشان تفضل الرغبه عنده.. وما يحصلش عنده ملل


4 - المشي مع الكلب , ودي من التمارين اللي بتساعد الكلب ليكتسب جسم رياضيي وعضلي 

, والمشي المفروض  يكون يوميا  ,  لمدة تتراوح بين النصف ساعة والساعة , ويجب ان يتم تمرين المشي يوميا او كل يومين .


وطبعا كل دا يحصل  باننا لابد من تزويد الكلب الطعام اللازم لجعل الجسم اقوى , وجعل للكلب عنده  الطاقة اللازمة واللي هايكتسبها من الاكل الصحي , ويكسبه جسم قوي.. 💪 .

السبت، 13 فبراير 2021

السلمونيلا

 السلمونيلا😱😱


*السلمونيلا هي باكتيريا بتصيب القطط و الكلاب و كمان ممكن تصيب الانسان.⚠️


*ايه اللي ممكن يسبب المرض؟


- باكتيريا السلمونيلا  موجودة في الاكل الني زي اللحوم و..والفراخ. و البيض الن


ي.


- في أكتر من 2000 نوع من باكتيريا السلمونيلا 😲و اللي بيكون معرض ليها أكتر الحيوانات اللي مناعتها ضعيفة

بسبب انها صغيرة في السن

 او عجوزة او عندها ضعف في الجهاز المناعي بشكل عام.


_امنع الاكل النئ عن اليفك.. واحميه من خطر السيلمونيلا


*أعراض المرض:🤓

*شدة الاصابة بتحدد الاعراض اللي بتظهر عند أليفك و ممكن تختلف من حيوان لاخر منها:

- حرارة

- خمول

- اسهال

- قىء

- خسارة في الوزن

- جفاف

-  مشاكل جلدية

- مخاط في الفضلات

- ضربات قلب سريعة

- تورم الغدد الليمفاوية


*⚠️ملحوظة : المرض معدي ما بين الحيوانات و الانسان عن طريق الفضلات او الفم.


⬅️ضروري لو لاحظت اي من الاعراض المذكورة تكشف على أليفك في اقرب وقت، و لو أليفك مصاب بالمرض ممكن تحمي نفسك أو  اي أليف تاني في البيت من العدوى كالاتي:


- استخدم كلور في التنضيف مكان اي فضلات لأليفك.

- دايما البس جوانتي و انت بتتعامل مع فضلات أليفك حتى لو مش مريض.

- مهم جدا تغسل ايدك كويس جدا بالمية الجارية و الصابون بعد تنضيف بوكس الرمل أو اي فضلات.

- متاكلش مع أليفك من نفس الأكل او اي حاجة لحسها.


*ازاي تتجنب المرض؟


- متأكلش أليفك اي أكل ني ( خصوصا اللحوم بجميع انواعهاو البيض ) .🍖🥚


- اتأكد انك تنضف مكان تقطيع اللحوم النية كويس جدا  قبل طهيها ..و تستخدم ادوات مختلفة عن اللي بتستخدمها مع الأكل المطبوخ.


.

- اغسل ايدك كويس جدا بعد التعامل مع اللحوم النية بالمية و الصابون.


🔥🔥❌ارحم اليفك من خطر.. تسممم السلمونيلا والايكولاي

الاكل الني والعضم

 موضوعي.. عن الاكل الني والعضم...


هاحاول اوضح بعض المعلومات... ياتاخد بيها👌.. يا لااااااا.... ☹️

ودا يرجعك.. لكن هنا دوري.. اقول الصح وانت.. براحتك يا تتبع.. اللي فيه.. يا تفوت الموضوع من اساسه😒


العضم والني للكلاب 

باختصار  شديد هتلاقوا مقالات ت


ؤيد الني وانه حلو وصحي وافضل من المطهي  .👎

طبعا كلها مصادر اجنبيه .


بسؤال اغلب  الدكاترة البيطريين المصريين  ايدو الراي اللي بيقول ان المسلوق اصح..


ودكاترة مصر ادرى بمجازر مصر وباللي بيحصل فيها وادرى بالامراض المستوطنه عندنا ..


بالنسبة للي مؤيد لراي ان التجميد بيقتل   اي بكتيريا او اي فيروسات  وبيخلي الاكل آمن . فدة مش صح .✋


👈بكتريا السالمونلا لازم طهي ودرجه حرارة عالية .

هتقولي هأكل فريش  وهجيب من الجزار مدبوح... ف معاد كل وجبه......... ف دا كلام فاضي ومش مضمون


استني كده وفكر معايا


👈مثلا  استخدام سكاكين والواح تقطيع ملوثه ومتمش تعقيمها بشكل كافي.. ممكن يعمل ايه

ممكن يلوث اللحمه السليمه.. وطبعا تتوالي الامراض


 وساعتها الحل هيكون ايه

الطهي  طبعا.. تمام!! ... تمام👌


باراء الدكاترة  عموما واللي ترضي ضميرهم... ان المطهي احسن ..👌


 نيجي للعضم


بالنسبة للعضم  هتلاقي برضه نفس الخلاف.🤨🤔


العضمه لو نيه هنخش ف نفس المشاكل السابقه🤔😢😢😢

  

°لو مستويه ممكن تسبب انسداد امعاء 

°ممكن تجرح الجهاز الهضمي اثناء الهضم والاخراج..


°ولو.. نويت وهاتقدمها  يبقه تتسلق   وتكون عضمه كبيرة ف الحجم ميقدرش يبلعها او يكسر فتافيت منها


... انا عن نفسي مش بعملها ولا هاعملها.. لان بيكون ليها ريحه.. مش حلوه.. وهاتخلي ريحة الكلب دايما زفره.. وعاوز تنضفه باستمرار🙆‍♀️🙆‍♀️


وكما.. ولازم وضروووري جدا يكون في رقابه على الكلب .

عشان في كلاب ممكن تكسر اسنانها بسببها  .☹️😢


وفي مقالات   كتيره ف الموضوع دا👈 بالاطلاع عليها..... فيها الرأيين (الني.. والمستوي) .


ونصيحتي.. وليس اجبارا لاحد


نمشي على الراي الاآمن واللي دكاترة مصر هنا مؤيدة له 👍👍..

واي حد هايقول  باكل كلبي من زمان ومحصلش حاجه  فدا مش معناه.. انك ف الامان.. ومطالب مني اايد كلامك.🤨....


وارد يحصل ف اي وقت  تعب لكلبك لاسمح الله. من اكل  الني والعضم  ... متناسش ان هناك اخطر نوعين من البكتريا

 السالمونلا..

والايكولاي

موجودين ف الاكل الني.. والعضم

✋✋✋✋🤨🤨

فيديو

مقالات

العمل الحر

العاب