معلومات عن تربية الكلاب

كل ما هو جديد في تربية الكلاب

أخبار الموقع

السبت، 23 يناير 2021

تجربة تربية الكلاب لاول مرة

 



تجربة تربية الكلاب


من تجربتى مع تربية كلب لاول مرة حبيت اكتب الكلام دة ..

انا كنت معرفش اى حاجة عن تربية الكلاب وجبت كلب عشان نفسى فيه جدا بقالى سنين .. اللى اكتشفتو مع الوقت انو الكلب عايز اهتمام و رعاية كانك لسة جايبة بيبى صغير .. هو فعلا طفل صغير عايز صبر و اهتمام وحب
اول ما جبته كنت كل شوية ادخل اكتب ف جروبات هو بيعمل بيبى ف اى حتة ليه واعلمه ازاى و ازاى بيعض كدة انا تعبت اعمل ايه و هكذا و حقيقى انتى لو معندكيش صبر مش هتكملى ف انك تربي كلب
مع الوقت لقيت انو كل حاجة بتتغير زى البيبى لما بيكبر مع صبرك معاه هيتظبط و هيبقى قمر🥰
البيبى بقى بيتعمل فى مكانو
الاكل بقى ب مواعيد
الno يعنىno
النوم وقت ما انا بنام و بيصحى معايا
مفيش عض خلاص ..وعارف وفاهم كل كلامك حرف حرف
فى حنية على شقاوة بس مش شقاوته وهو صغير فى الاول اخدت قرار انو زيه زى البيبى الصغير و هعامله على كدة
اللى عايزة اقولو ان مفيش حاجة ف يوم وليلة هتتعمل
زى التواليت كدة انا قعدت شهرين او تلاتة بشيل بيبى من الارض و امسح من وراه مع تدريبى ليه بقى بيعمل لوحدو ودلوقتى مستحيل الاقيه عامل ف اى حتة تانية 😘
اللى عايز يربى كلب هيستحمل .. عشان دى حاجة تستحق والله❤️
ومش ندمانة ابدا انى جبت كلب بالعكس غير حياتى للاحسن و حسيت انى مسؤلة عن كائن جميل مش عايز منك غير انك تحبه و تبقى جمبه😍
طولت عليكو بس لقيت نفسى عايزة اكتب كدة جدا ❤️

ليست هناك تعليقات:

إرسال تعليق