معلومات عن تربية الكلاب

كل ما هو جديد في تربية الكلاب

أخبار الموقع

الخميس، 11 فبراير 2021

التخلص من الحشرات

 😤😤 محاولة للتخلص من حشرة القراد المفترسة 😤😤

والبراغيت



التخلص من الحشرات


القراده .. تحسها ديناصور بس عامل نفسه عنكبوت وكلنا عندنا فوبيا   منه  !! 😰😰


 

دي شوية نصايح ومعلومات هتساعدك انك تحافظ على كلبك من الحشرات ..


الاول .. هي ايه الحشرات اللي بتيجي للكلاب ؟


 مش هقدر اقولك على كل الحشرات لكن هقولك على اللي انت بتشوفها بعينك المجردة بس 😂😂 ( ايوة في تاني بس انت مش بتشوفه ) والمناسبه... لو اخدت عينة من جلدك وشوفتها تحت الميكروسكوب انت هتكره نفسك 😱😱 بس ده مش مش مهم.. دلوقتي ..🤣


اشهر حشرتين هما :

👈البراغيت ودي بتيجي للقطط اكتر م الكلاب

👈القراد وده بيجي للكلاب اكتر م القطط


لكن في النهاية الحشرتين دول بيصيبوا القطط والكلاب سوا

 هنركز.. ع القراد اكتر وده لإن البراغيت اسهل بكثير في القضاء عليها

  ..

القرادة حشرة طفيلية يعني  .. يعني بتطفل على الكائنات التانية علشان تعيش لإنها بتاخد غذاها كله من مص دم الحيوانات ولو معملتش كدة هي هتموت م الجوع 😥😥 .


. عندها جسم بالوني منفوخ بدم الضحايا ورجلين كتير ومخالب بتغرسها في جسم الضحية علشان تعرف تتغذى على دمه

وعلشان هي بتتنقل من حيوان لحيوان.. ممكن


 تنقل الامراض من الحيوانات لبعضها


.. الخطورة مش بس في نقل الامراض.... هي في النهاية بتعيش على الدم وده في حد ذاته سبب رئيسي في الأنيميا اللي كلبك ممكن يعاني منها


ازاي تقضي على القراد ؟


استنى  🤓🤓 لازم تعرف انك لازم تعمل خطة علشان تعالج مشكلة انتشار القراد..... وتعرف كمان ان المشكلة مش بتتحل في يوم !!🤔😢 انت لازم تكون عارف انك ممكن تقعد


 اسبوع او اكتر كمان على حسب الوضع  ..


غير كدة لازم تبقى عارف انك ممكن تنضف الكلب تماما والقراد يرجعله تاني في نفس اليوم وعلشان كدة العلاج... ..ناخد بالنا من شوية حاجات


👈تقضي على الحشرات في جسم الكلب

👈تقضي على الحشرات في المكان اللي عايش فيه

👈متنزلش بالكلب في مكان فيه قراد (تقريبا كل الاماكن فيها 😰)


تقدر تستخدم الادوية المخصوصة للكلاب زي البارس والريفليوشن والفرونت لاين........ وغيرهم كتير


 .. اهم حاجة انك تستخدم جرعة مظبوطة ومناسبة لوزن الكلب  .


. الادوية دي عبارة عن (سم).. بس بجرعة بسيطة بحيث يكون قوي على الحشرات وضعيف على الكلب


لكن في النهاية الافراط في استخدامها هيسبب مشاكل في الكبد والكلى عند الكلب وهتلاحظ ده لما الكلب يكبر في السن ..


👌ممكن تجيب كباية مياة وتحط فيها معلقة خل ومعلقة زيت نعناع او زيت لافندر وتحطهم في بخاخة وترش بيها جسم الكلب وتسرحه


.👌. الحل ده رخيص جدا وفعال جدا بس لما يكون كلبك سليم ومعندوش حشرات


.. الفكرة كلها انك بتداري ريحة الكلب عن الحشرات وبالتالي الحشرات مش هتتلم عليه من الشارع والجناين وغيره ده غير ان الزيوت العطرية بتبعد الحشرات في العموم


👈نضف البيت بالمكنسة وحط فيها بودرة صراصير واشفط السجاد والستاير والسراير والفرش والانتريه وكل حاجة


  ورش الكلب بالخل والزيت اللي قولنا عليهم


ابعد الكلب شويه.. وابدا المرحله التاليه


 وامسح البيت كويس بالكلور بنسبة 1:4 مياة لكلور وبخاخة فيها خل وكلور ومياة ورش الستاير والحيطان وكل حاجة برضه


  .. ورجع الكلب المكان بعدها بساعتين


***نصايح مهمة جدا ***:


- بلاش الديزانون اتمنع في العالم كله.. لإنها مادة خطيرة جدا ع الحيوان والانسان ومسممة بشكل مباشر وقوي ع الاطفال


- الكلور سم قوي جدا وآمن جدا علشان بيتبخر تماما

 بعد ساعتين    😂😂


- قبل ما تبدأ في خطوات العلاج هات ملقاط وكباية فيها شوية كلور... او صابون سائل   وطلع كل القراد اللي تشوفه في الكلب ودور كويس لحد لما متلاقيش قراد .. ده معناه ان الكلب لسة فيه قراد بس بقى قليل وده هيخلي مفعول الدواء أقوى علشان تركيزه بقى أقوى علشان عدد الحشرات بقى اقل


- دور بين الصوابع وتحت كف الإيد والرجل وفي الرقبة وورا الودن وفيها وتحت الديل وفي بداية الديل وعند العين والراس


- لو هاترش خل وزيت يبقى رش كويس ع الإيدين والرجلين والفخذ ( مكان القعاد ) ومتخليش الكلب يقعد في الشارع او في الجناين العامة


- لو كلبك عايش في سطح بيت يبقى تقريبا مشكلتك ملهاش حل علشان ده مش مكان ينفع يعيش فيه روح 😠😠 ونفس المشكلة هتقابلك في الجنينة 😰


- هات راس ثوم وبصلة وقرن فلفل(.. منقول) واغليهم وخد المياة ورش بيها الشجر والزرع في الجنينة بتاعتك   🤓🤓.. لو عندك جنينه


- الحموم ملوش اي تأثير على الحشرات على فكرة الا لو حمام كميائي😢😢


 بس ممكن تحط معلقة صغيرة من صابون المواعين في الشامبو بتاع الكلب وتحميه هيقتل شوية من القراد بس ما تكترش الكمية  علشان جلد الكلب وشعره 😠😠(طريقه ناجحه100%) 


- متستخدمش ادوية الحشرات لو كلبك تعبان او كلبتك حامل او بترضع علشان تأثيرها كبير ع الأجنة


- القراد والبراغيت مش هيضروك في حاجة متخافش .. في الغالب اقصى حاجة ممكن تحصل ان الحشرة هتمشي على جسمك علشان تدور على مكان مناسب تعيش فيه ومش هتلاقي لإن جسمك مفهوش فرو غزير زي القطط والكلاب

 .. في حالات قليلة القراد ممكن يقرصك...  في العموم ده قليل اوي لما بيحصل....... لكن البراغيت اكيد هاتقرصك🤣


هناك تعليق واحد:

  1. JT | Casino, Restaurant & Event Center in CT
    Visit JT.com for 파주 출장마사지 food, 포항 출장안마 entertainment, and more, with locations in New England, South Dakota, Pennsylvania, 남양주 출장안마 West Virginia, 고양 출장샵 and 이천 출장안마 more.

    ردحذف